Tokyo 2020: Mambobi Uku a tawagar kasar Afirka ta Kudu sun kamu da Corona

‘Yan wasa biyu tare da jami’I guda a cikin tawagar ‘yan wasan kwallon kafa na kasar Afirka ta Kudu sun kamu da cutar Corona a birnin Tokyo.

‘Yan wasan sune: Thabiso Monyane da Kamohelo Mahlatsi da kuma jami’I mai tsokaci a kan faifen bidiyo, Mario Masha.

Tawagar kasar ta bayyana cewa tuni aka killace mutanen uku da suka kamu da cutar.

“An yiwa sauran ‘yan wasan gwaji har sau biyu kuma basa dauke da cutar, kuma muna bin dukkanin shawarwarin da hukumomin lafiya na gida suka bamu,” in ji kungiyar.