Wadanda suka warke daga Coronavirus a Najeriya sun doshi 500

Cibiyar dakile cutuka masu yaduwa ta kasa NCDC ta ce zuwa ranar Talatarnan mutane 481 ne suka warke sarai daga cutar Covid-19 a fadin kasarnan.

Cikin kididdigar cutar da NCDC ta fitar a shafinta na Twitter a daren Talatarnan ta ce yanzu haka adadin masu dauke da cutar a Najeriya sun kai mutane 2950.

Kazalika mutane 98 ne suka rasa ransu sanadiyyar cutar.

Wannan na zuwa ne kwana daya bayan da gwamnatin tarayya ta sassauta dokar kulle da zaman gida a wasu jihohin da cutar ta bulla, ciki harda jihar Legas inda cutar ta fi kamari da kuma birnin tarayya Abuja.

Karin labarai:

Adadin masu Corona ya doshi 3000 a Najeriya

Covid-19: Gidauniyar BUA ta tallafawa Kano da kayayyaki na naira biliyan biyu