Wanda Diamond League: Ese Brume za ta fafata a Qatar

‘Yar wasan guje-guje da tsalle-tsalle Ese Brume na daya daga cikin jerin manyan ‘yan wasan da za su fafata a wasan karshe na gasar League ta Wanda Diamond.

Za’a gudanar da wasan ne a Birnin Doha dake kasar Qatar.

‘Yar wasan wadda ta lashe gasar shekarar dubu biyu a goma sha tara, za ta fafata da wasu ‘yan wasan tsalle-tsallen guda shida a gasar.

Wannan shine fafatawa ta farko da Ese Brume za ta yi, bayan dawowa daga hutun coronavirus.