Yan bindigar da suka tsere daga wasu yankunan Nijeriya sun yiwa Birnin Gwari kawanya

Kwanaki kadan bayan labarin cewa ‘yan bindigar da suka tsere daga wasu yankunan na kutsawa cikin garin Birnin-Gwari da ke jihar Kaduna.

Mazauna garin sun ce tun daren ranar Alhamis ne ‘yan bindigar suka kewaye da garin na Birnin-Gwari tare da yin awon gaba da jama’a da dama.

Wata majiya ta ce, al’amarin ya faru ne a unguwar Gobirawa da ke cikin garin Birnin-Gwari da ke kusa da gidan talabinjin na kasa wato NTA Birnin-Gwari da ke da nisan sama da mita 500 daga sansanin sojin sama.

Tuni dai Majalisar Karamar Hukumar Birnin-Gwari ta yi gargadi ga mazauna yankin da su takaita zirga-zirga a daukacin masarautar Birnin-Gwari.

Rahoton: Abdulkadir Haladu Kiyawa