Yan sanda a jihar Zamfara sun kubutar da dalibai 5 daga cikin 73 da ‘yan bindiga su ka yi garkuwa da su

Rundunar ‘yan sandan jihar Zamfara ta kubutar da dalibai 5 daga cikin 73 da ‘yan  bindiga su ka yi garkuwa da su, na makarantar Sakandaren Kaya dake karamar hukumar Maradun.

Hakan na cikin wata sanarwa da mai Magana da yawun rundunar SP Muhammad Shehu ya fitar ga manema labarai.

Da dumi-dumi :An rufe makarantu a jihar Zamfara

Sanarwar ta ce, gaba daya daliban biyar da rundunar ta kubutar suna nan cikin koshin lafiya.

Sp Muhammad Shehu ya kuma ce ‘yanzu haka hadakar jami’an tsaro dake jihar sun shiga cikin dazukan dake karamar hukumar ta Muradun domin ganin sun kubutar da daliban da ‘yan bindigar sukayi garkuwa da su.