Labaran Wasanni
‘Yan wasan Tunisia biyu sun kamu da COVID-19
‘Yan wasan kasar Tunisia biyu Ferjani Sassi da Seifeddine Khaoui sun kamu da cutar COVID-19.
An gudanar da gwajin cutar ne kan ‘yan wasan bayan fafatarwar su da Sudan a ranar Juma’ar makon jiya.
A dai gobe Talata ne Najeriya take shirin hadu da kasar ta Tunisia a wasan sada zumunta da ake gudanarwa a Austria.
Hakan zai zama kalubale ga tawagar ta Tunisia sakamakon kamuwar ‘yan wasan biyu, yayin da aka cire su daga cikin tawagar kasar.
Jaridar Punch ta ruwaito cewa,“Tuni dai aka zare ‘yan wasan biyu daga cikin wadanda zasu fafata da Najeriya a gobe Talata”.
You must be logged in to post a comment Login