Zai yi wuya a kawo karshen corona a 2021 – WHO

Hukumar Lafiya ta Duniya WHO ta ce, zai yi wuya a kawo karshen cutar corona a shekarar 2021.

A cewar Daraktan bada agajinn gaggawa na WHO Michael Ryan ya ce, ba zai yiwu ayi tunanin cewa za a kawar da kwayar cutyar corona a a ƙarshen shekarar da muke ciki ba.

Ya ce, abinda kawai za a iya kokari akai shi ne samar da wadatattun asibiti don dakile illar da take yiwa wadanda ta kama, da kuma mayar da hankali wajen yiwa mutane allurar rigakafi.

Ryan ya ce idan allurar rigakafin ta fara tasiri ba kawai a kan masu cutar zata tsaya ba, za yi tasiri wajen dakile yaduwar ta tsakanain al’umma.