Connect with us

Manyan Labarai

Kano:APC ta musanta zargin sauya ra’ayin kotun daukaka kara

Published

on

Jamiyyar APC ta musanta zargin da jamiyyar mai hammaya ta PDP ke yi mata na yunkurin amfani alkalan da zasu saurari karar zaben gwamna daza’a gudanar a Kaduna.

Jaridar KanoFocus ta rawaito cewar idan za’a iya tunawa jam’iyyar PDP ta bayyana wannan zargi na ta ne a wata sanarwa da ta fitar a ranar lahadi din da ta gabata.

Kwamishinan yada labarai Muhammad Garba ne ya bayyana zargin da jamiyyar PDP ke yi a matsayin , cewar ba gaskiya ba ce wani yunkuri ne na shafa jamiyyar APC kashin kaza domin aga baiken ta a idon al’ummar jihar Kano, tare da shafawa kotun daukaka kara laifin .

Mal Muhammad Garba a cikin sanarwa ya bayyana cewa ko a jiya litini da jamiyyar PDP ke yada wannan sanarwa mai ciki da Kazafi, kuma takan yi haka ne da zarar ta fuskanci cewar ba zata yi nasara ba .

Shariar Ganduje da Abba: Jamiyyar PDP na zargin sauya Alkalai

Ya ce APC da dan takarar ta suna da yakinin sakamakon da za’a samu bayan sauraron karar a kotun daukaka kara za’a gudanar da shi cikin adalci ne .

Ya ce gwamnatin jihar Knao ba zata yarda jamiyyar PDP ta haifar da abinda zai kawo rudani da tada zaune tsaye ba kamar yadda sanarwa ta bayyana.

Labaran Kano

BUK ta horas da mutane kan yadda zasu rika sarrafa kudaden su

Published

on

Cibiyar nazarin harkokin bankuna da kudi a musulince ta jami’ar Bayero, ta ce da yawa daga cikin kudaden da mutane suke kashewa a wannan lokacin suna kashesu ne ta hanyar da bata daceba.

Daraktan cibiyar Farfesa Binta Tijjani Jibril ce ta bayyana hakan yayin taron horar da Ilimin harkokin kudi ga kungiyoyin makarantun addinin Musulunci da cibiyar ta gudanar yau a tsangayar koyar da ilimin shari’a dake jami’ar ta Bayero a nan Kano.

Farfesa Binta Tijjani Jibril ta kuma ce ya kamata mutane su koyi yadda za su dinga kashe kudaden su ta hanyar da ta dace ta yadda tattalin arzikin kasar nan zai bunkasa yadda ya kamata a hanyoyi da dama.

Ta kuma ce da yawa daga cikin mutanen kasar nan suna samun kudade a ayyukan da suke gudanarwa sai dai basu san irin hanyoyin da za su bi ba wajen kashe kudaden na su ta hanyar data dace.

Farfesa Binta Tijjani Jibril

Farfesa Binta ta kuma yi kira ga gwamnatocin kasar nan kan su dage wajen bunkasa ilimi a tsakanin al’umma ta yadda za su iya kashe kudaden su ta hanyar da ta dace.

Har ila yau ta kuma ja hankalin gwamnati wajen samar da ayyukan yi tsakanin al’ummar kasar nan, ta yadda za’a rage mutanen da basu da ayyukan yi.

Wasu daga cikin mutanan da suka halarci taron horarwar sun bayyana jindadin su, bisa yadda aka gudanar da laccar musamman yadda aka nuna musu yadda za su kashe kudaden su a tsarin addinin musulinci.

Masana harkokin kudi da dama ne suka halarci taron horarwar inda sukayi bayanai da dama kan yadda ya kamata mutune subi wajen kashe kudaden su.

Labarai masu alaka:

BUK: dalibai 300 sun sami tallafin karatu

Jami’ar Bayero ta bukaci mahukunta su cigaba da amfani da takardun SUKUK don ciyar da al’umma gaba

Continue Reading

Labarai

Kai tsaye: Cigaba da bikin yaye daliban jami’ar tarayya ta Dutse

Published

on

Note: Ana cigaba da sabinta wannan shafi, ku cigaba da bibiya


Dalibai guda dari 786 ne jami’ar tarayya ta Dutsen jihar Jigawa, ke bikin yayewa a yau.

Rahotanin sun bayyana cewar, daga cikin dalibai dari bakwai da tamanin da shida (786) da ake bikin yayewa, hamsin da biyu (52) sun samu digiri mai matakin daraja ta farko wato First Class.

Kuma wannan shi ne karo na 5 da jami’ar ke bikin yaye dalibai.

Yanzu haka ana dab da kammala wannan biki da dake gudana a babban dakin taro na jami’ar.

A jawabin da ta gabatar, na yau Asabar shugabar jami’ar, Farfesa Fatima Batulu Muktar ta bayyana farin cikinta, tare da godiyar ta ga mahalarta taron inda ta bayyana irin nasarori da jami’ar ta samu musamman a bangaren ilimi da sauran bangarori na ci gaban jami’ar.

Farfesa Batulu Mukhtar ta kuma mika godiyar ta ga abokan hulda musamman gwamnatin jihar Jigawa da sauran dai-daikun al’umma da suka bada gudunmuwa wajen ci gaban jamiar.

Ku kalli hotuna daga wurin taron na yau:

Continue Reading

Labarai

Mata basu fiya karbar rashawa ba -Muhuyi Magaji Rimin Gado

Published

on

Gwamnatin jihar kano ta yi kira ga al’umma a ko wane mataki da su tashi tsaye domin yaki da cin hanci da rashawa ganin yadda matsalar ke kassara tattalin arzikin kasar nan.

Kwamishiyar mata ta jihar Kano Malama Zahra’u Umar ce ta yi wannan kiran ya yin wani taron bita da ma’aikatar kula da harkokin mata da hukumar karbar korafe korafe da yaki da cin hanci da rashawa ta jihar kano suka shirya don tattauna matsalolin dake addabar mata.

Malama Zahra’u ta kara da cewa mata suna da rawar da zasu taka wajen dakile ayyukan cin hanci da rashawa ta bangaren janyo hankalin mazajensu da su guji karbar na goro.

A nasa jawabin shugaban hukumar karbar korafe-korafe da yaki da cin hanci da rashawa ta jihar kano Muhuyi Magaji Rimin Gado ya ce mata basu faya karbar cin hanci ba.

Wakilin mu Shamsu Dau Abdullahi ya ruwaito cewa mata da dama ne suka hallarci taron na wayar da kan mata akan cin hanci da rashawa.

 

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!