Anyi wa dan wasan Ac Milan Castillejo Fashi a Italiya

An yiwa dan wasan kungiyar kwallon kafa ta Ac Milan dan kasar Andalus wato Spain, Samu Castillejo fashi a birnin Milan na kasar Italiya a yammacin jiya Talata.

Castillejo, wanda aka kaiwa hari ya yin fashin yana kan hanyar sa ta tafiya ne, wanda fitilar dakatar wa ta tsayar da hakan ya jawo akayi masa fashin Agogon hannu.

Mai shekaru 25, Castillejo ya bayyana hakan ne a shafin sa na Instagram,  in da ya tambaya  da cewar mai yake faruwa ne a Milan ? Mutum biyu sun tare ni da bindiga sun kwace mun Agogo na, sai dai in cikin koshin lafiya, nagode.

Labarai masu alaka.

Ronaldinho ya shaki iskar ‘yanci

Yanzu -yanzu an dage gasar wasanni ta kasa saboda barazanar Corona

Castillejo, da kungiyar sa ta Ac Milan, na shirin zuwa Turin, a wasan da kungiyar zata fafata zagaye na biyu da takwarar ta Juventus, a wasan kusa da na karshe na cin kofin kalubalen kasar Italiya,  wanda  za’ayi ranar Jumma’a.

A baya dai kungiyoyin biyu sun tashi wasan farko kunnen doki 1-1, a watan Fabarairun daya gabata a filin wasa na Sansiro dake birnin Milan.

Kungiyar ta Ac Milan, zata fafata wasan ta na farko a gasar kasar Italiya, in an dawo bayan  tsaikon Annobar Corona, ranar 22 ga watan Yuni, da takwarar ta Lecce.