Freedom Radio Nigeria

Freedom Radio Nigeria

Labaran Wasanni

Covid-19: Ba kungiyar da zata biya kudin gwaji -Shehu Dikko

Published

on

Shugaban hukumar shirya gasar Lig ta kasa (LMC )Shehu Dikko, ya musanta rade radin da ake na cewar kungiyoyin firimiya  zasu biya  kudin gwaje –gwajen ‘yan wasan su da sauran  mukarraban  tawagar su na  cutar Corona da zarar an dawo gasar.

Shehu Dikko, wanda shi ne mataimakin na biyu na hukumar kwalon kafa ta kasa NFF, ya bayyana haka ne a shafin sa na  Twitter, jim kadan bayan da rade radin rahotanni suka fita na cewar kungiyoyin gasar guda 20, su zasu biya kudin gwaje gwajen, ‘yan wasan nasu har naira milayan 50, in an dawo cigaba da gasar.

Shehu Dikko, ya kara dacewa labarin duk shaci fadi ne, kasancewar hukumar gasar lig ta kasa LMC da kuma ta kwallon kafa ta kasa NFF, da ma’aikatar wasanni ta kasa basu tattauna hakan ba ko yiwuwar yin hakan ga kowa, ko wata kungiya ballantana ta kai gwaji.

Labarai masu alaka.

‘Yan wasan cikin gida zasu fara wasa a Super Eagles-Shehu Dikko

Covid -19 Ba za’a rage albashin ‘yan wasan firimiya ta kasa ba

A baya dai ministan wasanni Mista Sunday Dare, ya bayyana cewar ko an dawo wasannin ba za’a bar ‘yan kallo su shiga kallon wasannin ba.Kawo yanzu dai ba san yadda zata kasance ba wajen tsare tsaren dawowa gasar ba.

Gasar Firimiyar ta kasa kamar sauran takwarorin ta na kasashen duniya ta samu tsaiko, kasancewa bullar annobar. Kawo yan zu haka kungiyar kwallon kafa ta Plateau United, ke jagorancin teburin gasar bayan wasanni 25,da maki 49, ya yin da Rivers ke biye mata a baya sai Lobi stars  dake a matak na uku.

 

Click to comment

You must be logged in to post a comment Login

Leave a ReplyCancel reply

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!