Kwamishinoni sun bada tsagin albashin su kan yaki da Corona a Jigawa

Kwamishinon jihar jigawa 11 sun tallafawa gwamnatin jihar da kaso goma na albashin su na watan Yuni, don cigaba da yakar corona a jahar.

Kwamishinan kudi na jihar Babangida Umar Gantsa ne ya bayyana haka ga manema labari a Dutse, a madadin sauran kwamishinonin 11.

Haka kuma Babangida Gantsa yace wannan tallafi ba shi ne na farko ba, illa kari kan na baya da suka bayar ta fuskoki daban-daban.

Wakilinmu Muhammadd Aminu Umar Shuwajo ya rauaito kwaminshinan na cewa tun lokacin da annobar Covid-19 ta shiga jihar a watan Afrilu, suke tallafawa ta wajan sayan sinadarin wanke hannu, da wayar da kai ta kafafan yada labarai kan illar cutar da matakan kariya.

Ya zuwa yanzu dai jihar Jigawa itace jiha ta 13 cikin jihohin da Coronavirus ta shiga a Najeriya wadda ke da yawan mutane kusan 310 wadda mafi yawa daga ciki sun sami waraka 8 kuma suka yi shahada.