Mun baiwa Obaseki da Phillip takadar shaidar Zabe – INEC

Hukumar zabe mai zaman kanta ta kasa INEC ta baiwa zababben Gwamnan jihar Edo Godwin Obaseki da mataimakinsa Phillip Shaibu takardar shaidar samun nasara.

Kwamishinan hukumar mai kula da jihar Edo da Rivers da kuma Bayelsa May Agbmuche-Mbu ce ta basu takardar shaidar yau a ofishin hukumar dake Aduwawa cikin jihar ta Edo.

A ranar Asabar din makon da ya gabata ne 19 ga watan nan na Satumba Obaseki ya samu nasarar lashe zaben Gwamnan jihar da kuri’u masu yawa.