Zanga-zanga: Elrufa’i ya sanya dokar hana fita a Kaduna baki daya

Gwamnatin jihar Kaduna ta sanya dokar hana zirga-zirga a kananan hukumomi 23 na jihar.

Kwamishinan cikin gida da al’amuran tsaro na jihar Kaduna Samuel Arwan ne ya bayyana hakan ga Freedom Radio.

Ya ce, hakan ya biyo bayan barazanar tsaro da aka samu a wasu yankunan jihar.

Da yammacin Asabar ne gwamnatin Kaduna ta sanar da sanya dokar hana zirga-zirga a wasu kananan hukumomin jihar kafin daga bisani ta sanar da fadada dokar zuwa jihar baki daya.