Zargin Maita: Yan sanda a jihar Adamawa sun tabbatar da mutuwar mutane 7

Rundunar ‘yan sandan jihar Adamawa ta tabbatar da mutuwar wasu mutane bakwai sakamakon zargin su da Maita a Kauyen ‘Dasin ‘Kwate dake karamar hukumar Fofore a jihar.

Mai Magana da yawun rundunar DSP Sulaiman Yahya Guroje ne ya bayyana hakan ga manema labarai a yammacin ranar Alhamus 16 ga watan Satumbar shekarar 2021.

‘Yan sanda sun kama wadanda ake zargi da kashe dan Sanata Na-Allah a Kaduna

DSP Guroje ya ce lamarin ya faru a ranar Larabar 15 ga watan, bayan da mutanen Kauyen na ‘Dasin ‘Kwate suka zargi mutanan da Maita wanda hakan yasa suka kashe su.

Haka zalika DSP Sulaiman ya ce bayan faruwar lamarin mutanan kauyen sun gude zuwa wasu yankunan a jihar.

Rundunar ‘yan sandan ta ce, ta baza jami’an ta lungu da sako na karamar hukumar ta Fofore da kewayenta domin lalubo wadan da suka aikata laifin.