Corona ta sa an rage kasafin kudin Cricket a Australia

Hukumar shirya wasan Cricket a kasar Australia (CA) , ta rage Dala miliyan 40 na kasafin kudin gudanar da wasannin sakamakon Annobar cutar Corona.

Hukumar tace, ta rage Dalar kasar ta Australia har miliyan 40, tare da dakatar da wasu ma’aikata da kuma dage gasar Australian tour, don rage kashe wasu kudaden sakamakon tsaiko da Annobar ta kawo a harkoki da dama na wasanni a Australia.

Shugaban hukumar (CA) Earl Eddings, ya ce mawuyacin halin da aka shiga ne ya haddasa hakan.

Eddings, ya sanar da cewar ba shi da tabbas kuma abu ne mawuyaci a gudanar da gasar cin kofin duniya mai taken T20, da aka shirya zai gudana a kasar ta Australia a bana , sakamakon cutar ta Corona mai lakabin Covid-19.