Covid: Sama da mutum 500,000 ne suka mutu a fadin duniya

Sama da mutum miliyan 10 ne suka kamu da cutar Covid-19 a fadin duniya yanzu haka, yayinda kididdigar hukumomin lafiya suka tabbatar da cewa sama da 500,000 ne suka mutu sakamakon annobar.

A cewar wani rahoto da jami’ar Johns Hopkins da ke kasar Amurka ta fitar, ana samun karin kididdigar mutanen da ke mutuwa sakamakon annobar, duk da kokarin gwamnatoci na shawo kan matsalar.

Nahiyar turai ce dai yanzu haka ta zama matattarar annobar, yayinda aka fi samun adadin mutanen da ke kamuwa da cutar daga yankin.

Amurka ce dai har yanzu kan gaba na adadin wadanda ke mutuwa sakamakon Covid-19 a nahiyar turai.

Sakataren harkokin lafiya na Amurka, Alex Azar ya yi gargadin cewa akwai sauran rina a kaba kan yadda za a tsaurara matakan magance annobar ta covid-19.