Gwamnatin tarayya ta kara farashin man fetur

Hukumar kayyade farashin man fetur ta Najeriya ta sanar da cewa an kara farashin man daga naira 140.80 zuwa 143.80 kan kowacce lita.

Wata sanarwa mai dauke da kwanan wata daya ga watan Yuli da hukumar ta aikewa dillalan man fetur, ta ce bayan sake nazarin jadawalin farashi da aka yi na watan Yuni, an yi la’akari da yadda hada-hada ta kaya ne kafin aka yanke shawarar sabon farashin man fetur.

Sanarar ta shawarci ‘dillalan man fetur da suyi amfani da sabuwar dokar da hukumar ta fitar.

A ranar 31 ga watan Mayun 2020 ne hukumar ta ba da sanarwar da cewa farashin man fetur ya karu daga naira 121.50 zuwa 123.50 a kan kowacce lita.

Rahotanni sun ce hauhawar farashin a watan Yuli ya zo ne sakamakon karin farashin danyen man da aka samu a kasuwar duniya.